Qeveria e Republikës së Kosovës e ka emëruar Ismail Dibranin në pozitën e drejtorit të përgjithshëm të Shërbimit Korrektues të Kosovës.
Ministri i Punëve të Brendshme, Xhelal Sveçla, tha se për pozitën drejtor i përgjithshëm kanë aplikuar katër kandidatë dhe se Ismail Dibrani i ka plotësuar të gjitha kushtet, raporton Ekonomia Online.
“Për pozitën drejtor i përgjithshëm kanë aplikuar katër kandidatë. Pas testit me shkrim dhe intervistave, propozoj Ismail Dibranin për pozitën e drejtorit të përgjithshëm të Shërbimit Korrektues të Kosovës”.
Ismail Dibrani që nga prilli i këtij viti ka qenë ushtrues i detyrës së drejtorit të ShKK-së.
Para ushtrimit të kësaj detyre, Dibrani kishte mbajtur pozitën e drejtorit në Burgun e Dubravës.