Moti i ngrohtë, plazhet idilike, çmimet e arsyeshme dhe peizazhi malor malor është gjithçka duhet të presësh nga kjo listë me më të mirat nga Shqipëria. Vendet të bukura dhe të sigurta… Kështu e nis shkrimin portali Insider Monkey, i cili i ka kushtuar një hapësirë të gjatë turizmit në vendin tonë. Shqipëria, vitet e fundit ka rritur ngadalë të tërheqë turistë nga e gjithë bota.

Tirana, kryeqyteti, është një vend kozmopolit dhe kurioz. Shtëpitë historike që nga epoka komuniste kanë filluar rikonstruksionin, pa ia humbur strukturën karakteristike. Në disa pjesë të qytetit, shtëpitë kanë një arkitekturë moderne, përzier me stilin italian dhe osman. Por në Shqipëri ka më shumë se kaq. Ja lista me 8 vendet më të bukura për t’u vizituar në Shqipëri.

Shkodra

Gjendet në afërsi të kufirit me Malin e Zi. Shkodra është ndër qytetet më të mëdha në Shqipëri. Ajo ka një histori të gjatë të pushtimeve dhe betejave. Rrënojat e Kalasë së Rozafës janë një nga atraksionet tërheqëse të rëndësishme në këtë qytet. Qyteti ka një kulturë unike që e trashëgon brez pas brezi.

Tirana

Kryeqyteti i Shqipërisë, Tirana, formon qendrën politike dhe ekonomike të kombit. Me shumë objekte kulturore, arkitekturë moderne dhe hotele të cilësisë së lartë, ka shumë gjëra që ju mund t’i bëni në Tiranë. Qyteti është gjithashtu shumë i këndshëm dhe ju do të gjeni aty njerëz energjikë dhe të gatshëm për të ndihmuar udhëtarët. Në Tiranë ka shumë muzeume, kopshte zoologjike dhe parqe ku mund të kënaqeni pa fund.

Kruja

Një objekt i rëndësishëm që ndodhet në Krujë është Kalaja, që tërheq shumë njerëz. Kjo kala është një vend i çmuar për shqiptarët, meqenëse aty ndodhet edhe Muzeu i Skënderbeut, i cili përmban objekte të rëndësishme rreth luftës në këtë rajon.

Gjirokastra

Ky qytet është në pjesë jugorëe të Shqipërisë dhe është i mbrojtur nga UNESCO si vend i trashëgimisë kulturore. Kjo për shkak të stilit të veçantë arkitektonik që portretizon ndërtesat. Ky dizajn është i njohur si stil i arkitekturës ballkanike dhe krijohet nga shtëpi të vogla që formojnë kështjella. Gurët ndihmojnë në ruajtjen e temperaturave optimale në shtëpi dhe janë një atraksion tërheqës edhe sot për turistët. Po ashtu, në Gjirokatër ka atraksione kulturore si teatro, kisha dhe muze.

Durrësi

Durrësi është një qytet i madh në bregdetin shqiptar dhe shërben si një qytet port. Kjo nuk është e rëndësishme vetëm nga pikëpamja financiare, por edhe si një kryeqytet kulturor. Në të vërtetë, këtu janë mbajtur shumë evenimente kulturore gjatë gjithë vitit. Amfiteatri luan një rol të rëndësishëm në mbajtjen e këtyre eventeve dhe është atraksioni kryesor në qytetin bregdetar.

Apolonia

E quajtur kështu për nder të Zotit Apollon, Apolonia ishte një nga qytetet më të rëndësishme të kohës prehistorike. Rrënojat këtu janë shumë mbresëlënëse dhe tregojnë se sa i lavdishëm dhe origjinal ka qenë dikur ky qytet. Disa nga atraksionet janë teatrot, tempujt, bibliotekat dhe ndërtesat e tjera. Ky vend është mbresëlënës dhe ofron një pamje të mrekullueshme në të gjithë zonën.  

Riviera Shqiptare

Riviera Shqiptare është vendosur në pjesën jugperëndimore të Shqipërisë dhe krahasaohet me rivierën e famshme italiane, megjithatë është më e populluar dhe më e qetë. Plazhet janë shumë ftuese dhe do të bëni banjë apo notoni në ujëra mjaft të kthjellëta. Resortet e ngritura në zonë tërheqin mijëra turistë dhe premtojnë pushime të shkëlqyera.

Berati

I vendosur në qendër të Shqipërisë, në lumin Osum, Berati u ndërtua si një kështjellë e lavdishme mbi një kodër. Ju mund të gjeni kështjellën e lashtë origjinale në këtë kodër e quajtur Kalaja. Kështjella e madhe përmban një distrikt të plotë me shumë xhami dhe kisha, që ia vlen vërtet ta vizitosh. Një tipar i rëndësishëm i Beratit është se shtëpitë në këtë zonë kanë dritare të mëdha. Fshatrat e vegjël që ndodhen përreth janë një veçori tjetër, të cilat mund t’i vizitoni vetëm në një ditë udhëtim./EkonomiaOnline/