Mjeku Scott Atlas, që shërbente si këshilltar special i Presidentit Donald Trump, ka dhënë dorëheqje nga kjo pozitë.

Këtë e ka bërë të ditur një zyrtar gjatë së hënës derisa derisa Atlas i drejtoi një letër presidentit Trump.

“Ju njoftoj se jap dorëheqje nga posti i këshilltarit special të presidentit të SHBA-së”, thuhet në letrën e tij, shkruan bbc.

Atlas njihej si punonjës me status special në qeverinë federale, duke mbajtur një detyrë 130 ditëshe e cila skadoi këtë javë.

Atlas është kritikuar vazhdimisht nga ekspertë të ndryshëm shëndetësorë, përfshirë edhe nga Dr. Anthony Fauci, se kishte dhënë informacione jo të sakta lidhur me koronavirusin.