Gjatë fjalimit të deputetit të AAK-së Bekë Berisha, mbrapa tij është parë duke pirë cigare kolegu i tij, Daut Haradinaj.

Por nuk është vetëm deputeti i AAK-së, Daut Haradinaj që tymos cigare brenda Kuvendit.

Në një fotografi të siguruar nga Ekonomia Online, shihet deputeti i VV-së, Artan Abrashi, duke pirë cigare brenda ambienteve të Kuvendit.

Kuvendi po mban seancë plenare në kohën kur vendi po përballet me Coronavirusin. Në rend të ditës është vetëm një pikë, ajo e votimit të mocionit të mosbesimit. Seanca filloi në orën 11:00 dhe ende po vazhdon.