I pamposhtur në boksin profesionist dhe i vlerësuar si meritor që ka shpëtuar peshën e rëndë në boks. Mund të mendoni se Anthony Joshua është një njeri i kënaqur me të gjitha këtu.

Por boksieri britanik, që ka tre nga katër titujt e mëdhenj të boksit profesionist, nuk është ende i kënaqur me jetën që qysh tash i ka tejkaluar të gjitha pritjet, përcjell Koha Ditore shkrimin e CNN.

“Unë ende ndihem i lodhur herë pas here, nuk zgjohem i freskët çdo mëngjes. Shtrati im nuk është as komod sa duhet të jetë”, thotë 29-vjeçari. “Gjërat nuk janë perfekte për mua as në rrjetet sociale”.

Por Joshua pëlqen të mos ketë gjërat perfekte. Kjo e mban atë të uritur. E kjo uri e ka ndihmuar të arrijë kaq shumë sukses në një periudhë kaq të shkurtër kohore.