Justin Timberlake e ka pranuar një sfidë të re. Aktori dhe këngëtari ka pranuar të luajë në dramën e re të titulluar “Palmer”, xhirimet e së cilës fillojnë në fund të vjeshtës, sipas mediave amerikane.

Regjisori i kësaj drame është Fisher Stevens, ndërsa producentë janë: Charles B. Wessler, John Penotti dhe Charlie Corwin. Produksionin do ta bëjnë Sidney Kimmel dhe Daniel Nadler.

Drama “Palmer”, e shkruar nga Cheryl Guerriero, flet për ish-fenomenin e futbollit të kolegjit, i cili pas qëndrimit në burg, kthehet në qytetin e tij të lindjes për ta rikthyer jetën e tij në rrugën e duhur, shkruan KOHA Ditore. Atje, ai përballet jo vetëm me konflikte shumëvjeçare nga e kaluara e tij, por edhe me një sfidë shumë më befasuese, pasi që befas e mbështet një djalë të ri unik të braktisur nga nëna e tij.

“Justin dhe Fisher sjellin perspektivë në këtë tregim emocional. Është një tregim i kohës së duhur dhe përfundimisht argëtues në lidhje me rezistencën dhe fuqinë e mirësisë njerëzore”, theksuan Penotti dhe Corwin.