Kryetari i PDK-së Kadri Veseli ka thënë se vdekja e Osman Zhitisë, babait të Heroit Afrim Zhitia, është e dhimbshme.

Veseli në dedikimin e tij thotë se Zhitia ishte atdhetar dhe burim frymëzimi në rrugëtimin për liri e Pavarësi të Kosovës

”Lajm i dhimbshëm vdekja e Osman Zhitisë. Babai i Heroit Afrim Zhitia, baca Osman, ishte atdhetar i madh dhe burim frymëzimi në rrugëtimin tonë për lirinë dhe pavarësinë e Kosovës. Jeta e tij ishte mes përkushtimit, qëndresës e krenarisë. Do të na mungojë të gjithëve. Ngushëllime familjes dhe gjithë kombit”.