! Kjo inkurajon…
Nga Konica.al – 2 Dhjetor, 2017, 12:31
Shpërndaje në Facebook Tweet në Twitter

Ministria për Shtetësi dhe Migrim e Kanadasë, ka njoftuar se ka hequr vizat për shtetasit e Bullgarisë dhe Rumanisë.

Informacionin e mësipërm e ka transmetuar Anadolu Agency (AA).

Në njoftimin e publikuar nga ministria bëhet e ditur se pas bisedimeve të bëra me delegacionet e nivelit të lartë të të dyja shteteve që nga viti 2014 për heqjen e vizave është arritur rezultat.

Gjithashtu në deklaratë bëhet me dije se Qeveria e Kanadasë i kushton rëndësi marrëdhënieve të saj me dy shtetet si dhe BE-në.

Me vendimin e ri rumunët dhe bullgarët do të mund të hyjnë në Kanada pa viza, për akomodime, vizita të familjes dhe shokëve si dhe me qëllime turistike deri në 6 muaj.

Ministri për Shtetësi dhe Migrim, Ahmed Hussen, në deklaratën e tij tha se “Lehtësimi i vizitave të rumunëve dhe bullgarëve në Kanada, do të inkurajojë më shumë udhëtime dhe tregti, kështu që do të krijojë mundësi të reja tregtare dhe investimesh për kanadezët dhe evropianët”.