Kanadaja, e cila prej pak kohësh po përballet me probleme serioze në sektorin e shëndetësisë, me programin e ri të emigracionit do të presë punonjës shëndetësorë nga e gjithë bota.

Në një deklaratë të përbashkët me shkrim nga ministri kanadez i Emigracionit, Sean Fraser dhe ministrit të Shëndetësisë, Jean-Yves Duclos, u tha se një ftesë do t’u dërgohet profesionistëve shëndetësorë nga e gjithë bota që kanë të drejtë të zhvendosen dhe të punojnë në Kanada.

“Komunitetet në Kanada kanë nevojë për punonjës të kujdesit shëndetësor. Për të ndihmuar në përgjigjen ndaj kësaj sfide, janë bërë ndryshime të reja në programin e imigracionit ekonomik Express Entry. Tani qeveria kanadeze po ofron aftësi specifike në disa nga fushat e arsimit dhe do t’u dërgojë një ftesë aplikantëve me aftësi gjuhësore ose gjuhësore për të aplikuar për qëndrim të përhershëm në Kanada”.

U tha se në kuadër të ligjit të ri të emigracionit me ftesë do të rekrutohen mjekë, infermierë, stomatologë, farmacistë, fizioterapistë dhe optometristë, ndërsa fillimisht pritet që të ftohen 500 punonjës shëndetësorë si fillim.

Në deklaratën e bërë në faqen zyrtare të Ministrisë së Shtetësisë dhe Emigracionit, theksohet se faza e dytë e aplikimit do të nisë më 5 korrik dhe do të ftohen të aplikojnë 1500 punonjës shëndetësorë. Detajet e aplikimit gjenden të afishuara në faqen zyrtare të Ministrisë Kanadeze të Shtetësisë dhe atë të Emigracionit.

Në Kanada, e cila ka hyrë në një krizë në sektorin e shëndetësisë që prej epidemisë së Koronavirusit, mungesa e personelit ka shkaktuar ndërprerje serioze në shërbimet shëndetësore të publikut, ndërsa mësohet se, operacionet pronotohen 6 muaj para dhe pritjet e gjata kalojnë 8 orë, madje edhe në shërbimet e urgjencës, gjë që ka shkaktuar kritika të forta.