Policia e Kosovës ka arritur t’i arrestojë dy të miturit që kanë kryer disa vjedhje në lokacione të ndryshme në rajonin e Pejës.

Sinjali mëson se të dyshuarit, njëri 13 e tjetri 16-vjeç u kapën mbrëmë derisa ishin në lëvizje me një veturë, kur Policia i ndaloi në rrugën “Agim Binak Qelaj’.

Sipas burimeve të Sinjalit vetura në të cilën ishin të miturit në momentin që u ndaluan nga njësia policore është raportuar si e vjedhur në Policinë në Deçan.  

Pas arrestimit, të njëjtit janë dërguar në stacion policor për t’u intervistuar pasi dyshohen edhe për vepra të tjera penale.