Dy shtetas të Shqipërisë janë arrestuar dje në pikëkalimin kufitar në Vërmicë, pasi që në veturën e tyre është gjetur mbi 1 kilogramë marihuanë.

Policia e Kosovës raporton se në pikën kufitare në Vërmicë gjatë kontrollit të një veture me targa të Shqipërisë në të cilën kishin qenë dy të dyshuar, shtetas të Shqipërisë është gjetur dhe është konfiskuar një sasi e substancave narkotike e llojit marihuanë me peshë 1 kg e 069 gramë.

Përveç substancave narkotike nga të dyshuarit është konfiskuar vetura dhe dy telefona celularë.

Sipas policisë, të dyshuarit janë arrestuar dhe me vendim të prokurorit janë dërguar në mbajtje.