Ministri i Shëndetësisë Venko Filipçe njoftoi se në vend ka edhe 4 raste të reja me virusin korona. Numri i të prekurve në Maqedoninë e Veriut shkon në 13. Filipçe njoftoi se qeveria do të shpallë gjendje krize në Dibër dhe Qendër të Zhupës.

“Në mbledhjen e sotme qeveria miratoi që të shpallet gjendje krize në Dibër dhe Qendër të Zhupës. Sot pacientët janë në gjendje stabile, përveç pacientes së parë nga Dibra, e cila mund të vendoset në aparate të frymëmarrjes. Sot kanë ardhur rezultate nga Dibra për 10 pacientë, ndërsa 4 kanë rezultuar pozitiv, të cilët janë me pasqyrë të lehtë klinike dhe të njëjtit do të transferohen në Klinikën Infektive në Shkup”-tha mes tjerash Filipçe, transmeton Alsat M.

Filipçe njoftoi se gjatë ditës së sotme një udhëtar ka arritur nga Gjermani, shtetas i Maqedonisë me simptoma dhe i njëjti po testohet.