Një vajzë skoceze ka mbetur e plagosur nga një aksident i tmerrshëm i Halloween-it në fëmijëri, pasi u përfshi ngalët e qiririt aromatik të cilin kishte tentuar ta shuante.

Karla Peacock, katërvjeçare u përkul për të fikur një qiri të Halloween-it, por koka e saj mori flakë dhe ajo pësoi djegie të shkallës së tyre dhe të tretë në lëkurën e kokës.

Katërvjeçarja më pas kaloi tetë javë në spital duke u rikuperuar nga incidenti traumatik, të cilin nuk mund ta kujtojë përveçse tha me zë të lartë “zjarr, zjarr” ndërsa nëna e saj bërtiste.

Karla tani 16 vjeçe tha për Daily Record: “Gjithçka që mbaj mend ishte kur thash me zë të lartë ‘zjarr, zjarr’ dhe nëna ime duke bërtitur dhe më pas unë isha në një ambulancë. Kam qenë në spital për një kohë të gjatë dhe që atëherë kam pasur disa operacione. Lëndimi im ka ndikuar jo vetëm në pamjen time, por edhe në atë se si ndihem për veten time. Me transplantet e lëkurës, plagët e mia janë të dukshme tani vetëm nëse i vë në dukje, por ato janë gjithmonë të dukshme për mua”.

“Për shkak të operacioneve të mia kam ngelur me dëmtime nervore dhe dhimbje të shtyllës kurrizore dhe gjithashtu më kap paniku kur nuhas tymin dhe dëgjoj alarme ose sirena. Fëmijët janë kuriozë dhe nuk i shohin rreziqet për të cilat të tjerët janë më të vetëdijshëm. Unë dua të ndaj historinë time për të ndaluar një fëmijë tjetër që të mos përjetojë atë që kam kaluar unë”, tha më tej ajo.

Lëkura e të rinjve është tepër e ndjeshme ndaj djegieve, me zonat e prekura që nuk mund të zhvillohen ndërsa pjesa tjetër e trupit rritet, transmeton Klankosova.tv.