Klubi i Basketbollit Rahoveci, ka siguruar shërbimet e qendrës amerikane Amir Maddred, bën të ditur klubi përmes faqes zyrtare.

“Basketbollisti nga SHBA dhe klubi ynë kanë përfunduar gjitha procedurat e transferimit të Maddred në Rahovec, ndërsa ky i fundit arrin të martën në Kosovë kur edhe pritet t’i bashkohet pjesës tjetër të skuadrës në stërvitje”, thotë KB Rahoveci.

Maddred është 205 centimetra i gjatë, derisa ai ishte pjesë e disa kolegjeve në Neë Jersey, së fundmi pjesë e skuadrës Slippery Rock University.

Ai për këtë skuadër ka zhvilluar 27 ndeshje me një mesatare prej 10.5 pikë për ndeshje.