Xhelozija mund të jetë “vrasës” ose “shpëtimtar” në lidhjet e dashurisë, prandaj sipas një psikologu është e domosdoshme të kuptohet se si funksionon dhe prej nga vjen, transmeton Klan Kosova.

Sipas Robert Leahy, xhelozia është shumë më tepër sesa thjesht një sy përçarës dhe shpesh ka shumë të bëjë me tiparet tona të karakterit.

“Xhelozia gjithmonë ka të bëjë me tre persona” shpjegon Dr Leahy.

Kjo ndodh kur një person ndihet i kërcënuar nga një palë e tretë. Ose dikush është i interesuar për një palë të tretë ose ata janë të interesuar për një person në marrëdhënie. Natyrisht, nganjëherë mund të jenë të dyja.

Leahy ndan xhelozinë në dy kategori: xhelozinë seksuale në lidhje dhe xhelozinë që ka të bëjë me afërsinë emocionale.

Sipas tij, burrat kanë më shumë gjasa të preken nga të parat, ndërsa studimet tregojnë se gratë janë më në rrezik të konsumohen nga kjo e fundit.

“Xhelozia në shkallë të vogël apo të moderuar mund të jetë një shenjë e lidhjes, angazhimit dhe madje dashurisë”, sqaroi ai.

“Mund të shohim që njerëzit ndonjëherë përpiqen të testojnë partnerin e tyre për të parë nëse janë xhelozë; kjo është normale në nivele të ulëta. “