Konferenca e Kryetarëve caktoi sot datën 16 maj si raundin e parë të votimit për zgjedhjen e Presidentit të Republikës. Deri në këtë datë maxhoranca dhe opozita, kjo e fundit nëse do të marrë pjesë në proces, duhet që t’i çojnë Kuvendit kandidatët që do të votohen më pas në Seancë Plenare.

Kushtetuta përcakton se për zgjedhjen e Presidentit Kuvendi mund të votojë deri në 5 raunde dhe nëse dështon atëherë shpërndahet Parlamenti dhe shkohet në zgjedhje të reja. Por, ndryshimet e fundit në Kushtetutë e minimizojnë fare këtë mundësi pasi në raundin e katërt dhe të pestë, Presidenti mund të zgjidhet me 71 vota nëse gjatë tre raundeve të para ku janë siguruar shumica e cilësuar me 84 vota.

Deri më tani maxhoranca nuk ka propozuar ndonjë emër, ndërkohë që nuk ka përjashtuar askënd, kurse opozita ka të parapëlqyer Neritan Cekën dhe Visa Zhitin.

Më poshtë, abcnews.al sjell disa nga emrat më të përfolur për President deri më tani:

Mimi Kodheli

Një nga kandidatet e mundshme është Mimi Kodheli, ish-ministre e Mbrojtjes dhe aktualisht kryetare e Komisionit për Politikën e Jashtme.

Valentina Leskaj

Ajo është shkëputur nga politika aktive që prej vitit 2017, ndërsa ka mbajtur një profil intelektual.

Pandeli Majko

Pandeli Majko është gjithashtu një tjetër emër i përfolur jo pak si një kandidatë potencial për pozicionin e presidentit. Ai vjen me një karrierë të gjatë politike, teksa ka mbajtur dy herë postin e kryeministrit dhe disa poste ministrash.

Fatos Nano

Nuk mund të mbetej jashtë kësaj liste ish-lideri socialist Fatos Nano. Me një karrierë të gjatë politike ai e ka pasur një ambicie të hershme zgjedhjen në krye të Presidencës.

Dritan Demiraj

Koloneli Dritan Demiraj është gjithashtu një tjetër emër i propozuar nga shoqata “Vatra” për President të Republikës.

Leka Zogu II

Pjesë e listës prej 12 kandidatësh është bërë edhe pretendenti për fronin mbretëror Leka Zogu II.

Zef Mazi

Një tjetër emër i përfolur ditët e fundit është edhe ai i diplomatit Zef Mazi, i cili prej gati një viti drejton edhe procesin e integrimit në BE për qeverinë shqiptare.

Lulzim Basha

Ish-kreu i PD Basha është përfolur se do të jetë mes kandidaturave, por kjo është mohuar nga kryeministri Rama.

Majlinda Bregu

Një tjetër kandidate që është bërë pjesë e diskutimeve mediatike është edhe ai i ish-deputetes dhe ish-ministres demokrate, Majlinda Bregu.

Sazan Guri

Pjesë e listës së kandidatëve është bërë edhe ambientalisti, Sazan Guri. Ky i fundit është vetëofruar për të qenë kandidat për kryetar shteti.

Eleni Kocaqi

Ndër emrat më popullor në sondazhe është përzgjedhur historiania shqiptare zonja Elena Kocaqi