Ministri i Jashtëm kinez, Wang Yi, ka paralajmëruar homologun e tij koreano-jugor të dielën që të mos politizojë çështjet ekonomike dhe teknologjike, ndërsa të dy ishin duke u përgatitur për të takuar kryediplomatin japonez në margjinat e një takimi trepalësh që synon nxitjen e bashkëpunimit.

“Kina dhe Koreja e Jugut janë bërë partnerë bashkëpunimi me interesa shumë të integruara dhe zinxhirë prodhimi dhe furnizimi shumë të ndërlidhura,” i tha Wang ministres së Jashtme të Koresë së Jugut Park Jin, sipas një deklarate të Ministrisë së Jashtme kineze, raporton Reuters, transmeton Klankosova.tv.

“Të dyja palët duhet t’i rezistojnë së bashku tendencës për të politizuar çështjet ekonomike, instrumentalizimin e çështjeve të shkencës dhe teknologjisë dhe sigurimit të gjerë të çështjeve tregtare.”

Koreja e Jugut ka kërkuar të shmangë përfshirjen në një grindje mes Kinës dhe Shteteve të Bashkuara për gjysmëpërçuesit.