Vazhdimisht thuhet se Kina prodhon vetura më pak kualitativë se Evropa ose SHBA-ja.

Megjithatë, Robin Page, nënkryetar për dizajn në Volvo, mendon se prodhuesit në Kinë prodhojnë vetura edhe më të mira se evropianët dhe amerikanët.

“Të gjithë brengoseshin për kualitetin, por sapo nisën kualiteti ishte edhe më i mirë se në Evropë”, ka thënë Page për “GoAuto”. “Nuk është dallim i madh, por nëse shikohen pikë për pikë dhe mesataret, Kina ka rezultate të mira, andaj nuk duhet të brengoset askush për këtë”.

Që kur “Geely” bleu Volvon më 2009, prodhuesi suedez kaloi në krijimin e modeleve në Kinë duke u bërë një nga gjigantët e parë që u zgjerua fuqishëm atje.