Këshilli për Mbrojtjene e të Drejtave dhe Lirive të Njeriut, ka  hedhur dyshime për punësimin e 200 punëtorëve shëndetësor gjatë kohës së pandemisë.

Sipas komunikatës së KMDLNj-së, punësimi i këtyre punëtorëve ka ngjallur paknaqësi lidhur me mënyrën se si është bërë/

Komunikata e plotë:

Pas shpërthimit të pandemisë të shkaktuar nga COVID-19, një numër i profesionistëve shëndetësorë e që ishin të papunësuar , u paraqitën si vullnetarë në përpjekje që të kontribuojnë në luftimin e pandemisë , pa pasur asnjë qëllim tjetër dhe pa e ditur se sa do të zgjasë kjo gjendje. Me kalimin e kohës dhe me përshkallëzimin e rasteve të të prekurve me COVID-19,  dhe atyre që përfunduan me fatalitet, u shtrua si domosdoshmëri që të rritet numri i punëtorëve shëndetësorë për faktin se edhe mjë numër i profesionistëve shëndetësorë u infektua nga virusi. Në shumë reagime të Kmdlnj- së, kemi kërkuar që qeveria e Kosovës të ndajë mjete shtesë për shëndetësinë sikur që edhe të gjithë atyre që po përballen, me shumë rreziqe dhe sakrifica, t’u ndahet një shumë shtesë pasi Gjykata Kushtetuese e Kosovës e rrëzoi Ligjin për rritje të pagave. Për fat të mirë , sot , qeveria e Kosovës vendosi të ndajë nga 300 euro për ata punëtorë shëndetësorë që po përballen me pandeminë. Në mes të tjerave KMDLNj-ë ka kërkuar që të rritet numri i të punësuarve në sistemin shëndetësorë. Së voni, sipas informatave të paverifikuara janë punësuar 200 punëtorë shëndetësorë. Pas kësaj pati pakënaqësi për faktin se kishte dyshime se shumica e atyre që u punësuan, u punësuan në baza partiake dhe nepotiste , duke shpërfillur profesionalizmin, si kriter përcaktues. Profesionistët që muaj të tërë kanë punuar vullnetarisht, me shpenzime vetanake,  duke e rrezikuar shëndetin e tyre, janë anashkaluar dhe në shumicen e rasteve janë refuzuar ndonëse gjatë punës së tyre e kanë fituar një përvojë të cilën të sapopranuarit nuk e kanë pasur.

Për këtë arsye, për të eliminuar dyshimet e mundshme për një diskrimimim gjatë punësimit, KMDLNj- kërkom një hetim të pavarur apo hetim të Komisionit Parlamentar për Shëndetësi pas së cilës, nëse konstatohet se ka pasur shkelje dhe diskriminim, përgjegjësia konkrete do të adresohej te Policia e Kosovës dhe Prokuroria e Shtetit. KMDLNj-ë thërret Ministrinë e Shëndetësisë të reflektojë në mënyrë që të sigurojë qasje në dosjet e të të punësuarve e që do të ishte mirë dhe e shëndetshme për vet Ministrinë në aspektin e rritjes së transparences dhe llogaridhënies.