Komisioni Hetimor për shkarkimin e Presidentit të Shqipërisë, Ilir Meta pritet të miratojë sot raportin e tij paraprak që do të dorëzohet në Kuvend.

Anëtarët e mazhorancës thanë një ditë më parë se kreu i shtetit ka cenuar marrëdhëniet me partnerët dhe se me deklaratat e tij për nxitje dhune ka kryer vepër penale.

Sipas Alket Hysenit, kreu të komisionit, Meta është përpjekur të ndërhyjë edhe në vendimmarrjen e Gjykatës Kushtetuese, organi që do të thotë fjalën e fundit për shkarkimin e tij.

Raporti përfundimtar i Komisionit Hetimor që kërkon shumicë të cilësuar votash për t’u miratuar pritet të votohet  nga kuvendi brenda javës së parë të Qershorit.