Komisioni për Punë të Jashtme dhe Diasporë ka mbajtur takim me delegacionin e Grupit Parlamentar të Kuvendit të Maqedonisë së Veriut për Bashkëpunim me Kuvendin e Kosovës, raporton Ekonomia Online.
Nga ky takim, gazetarët janë lejuar të marrin vetëm pamje, ndërsa nuk është paralajmëruar ndonjë konferencë për media.
Kujtojmë, që Grupi i Miqësisë nga Parlamenti i Maqedonisë së Veriut po qëndron në Kosovë, me ç’rast kanë zhvilluar takime me homologët e tyre nga Kuvendi i Kosovës.
Takimet e këtij lloji, nga grupi i deputetëve të Kuvendit të Kosovës, u konsideruan mjaft relevante për përafrim të raporteve mes dy shteteve, e që si rezultat, zgjidhja e problemeve të përbashkëta, do jetë me e lehtë dhe efikase.