Kompleksi i Kullave të Isa Boletinit, së shpejti do të ketë ekspozitën e përhershme dhe bashkëkohore. Ky kompleks gjendet në fshatin Boletin të Komunës së Zveçanit.

Kështu ka njoftuar ministri i Kulturës, Rinisë dhe Sportit, Hajrulla Çeku.

Çeku ka thënë se janë duke punuar që këto asete të jenë të qasshme për vizitorët dhe të ofrojnë ekspozita cilësore.

“Pas funksionalizimit përmes menaxhimit e aktiviteteve të rregullta, Kompleksi i Kullave të Isë Boletinit së shpejti do të ketë ekspozitën e përhershme dhe bashkëkohore e cila po kurohet në mënyrë profesionale”, ka shkruar Çeku.

Ministri ka thënë se këto asete do t’i shërbejnë komunitetit dhe të njëjtat do të jenë pika kyqe të turizmit në vend.