Zyra për informim e Komunës së Ferizajt ka nisur hartimin e një plani të veprimit, i cili ka për qëllim fuqizimin e mëtejmë të llogaridhënies, transparencës dhe informimin e qytetarëve, shkruan sot Koha Ditore.

Albion Sherifi, zyrtar për marrëdhënie me publikun në kabinetin e kryetarit të Komunës, ka thënë se ky plan siguron organizimin dhe planifikimin e duhur nga administrata komunale në shërbim të transparencës dhe llogaridhënies.

Sipas tij, një dokument i tillë po përgatitet për herë të parë në këtë komunë.