Kryetari i Kuvendit, Glauk Konjufca, pas mbledhjes së Kryesisë u pyet për mbarëvajtjen e punës në Kuvend pas disa mospajtimeve pozitë e opozitë. Ai tha se mazhoranca i ka 61 deputetë që i përkasin koalicionit qeverisë e sipas tij në këto kushte kuvendi mund të funksionojë.

Më pas, Konjufca e pa shefin e Grupit Parlamentar të PDK-së, Abelard Tahirin, të cilit iu drejtua duke i thënë “a t’iu tregoj çka të nguca gjatë mbledhjes së Kryesisë”.

“PDK e ka përvojën që ka pasë funksionu një herë me 58 deputetë një herë me 57. Po, po, efektiv se atëherë iu ngojke LDK, tash s’po ngon. Kjo është arsyeja pse. Se ata shumë konstruktiv edhe vazhdojshin vaj u votojshin ligjet edhe pse s’ishte mazhorancë ajo, por LDK u qart tash diçka, u rebelu, me kurrfarë kushti s’po voton kurrfarë ligji”.

“S’di qysh e keni bind Abelard, nashta mundesh me ia shpjegu këtu gazetarëve. Na s’kena mujt me bind LDK-në me qenë konstruktive siç ka qenë në vitin 2011-2014 kur edhe ma pak deputetë kishte por funksiononte kuvendi. LDK është rebelu pak ma shumë edhe është bë ma revolucionare, nuk kam shpjegime tjera”. 

LEXONI EDHE:

Konjufca për presionin e BE-së për Asociacionin: S’mund të marrin kompetencat e as të vendosin për Kosovën