Kryeministri i Republikës së Kosovës, Albin Kurti, të shtunën për Ditën Botërore për Mbrojtjen e Mjedisit ka postuar në profilin e tij zyrtar në Instagram një video senzibilizuese për përdorimin e qeseve të plastikës.

Ai në këtë video ka folur për qeset e plastikës dhe ka dhënë një mesazh mbi përdorimin e tyre, dhe sa kohë shkon që ato të degradohen nga proceset natyrore.

Në video kryeministri Kurti shihet duke përdorur qese të letrës, mirëpo peshorja ku i vendos frutat dhe perimet shihet të jetë e mbështjellur me qese të plastikës, gjë që rrëzon pikërisht atë që ai avokon në atë video.

View this post on Instagram

A post shared by Albin Kurti (@albinkurti_)

Kjo është një kundërthënie e drejtpërdrejtë në ngritjen e vetëdijes për mospërdorimin e qeseve plastike për shkak të dëmit mjedisor që ato shkaktojnë, kur edhe peshorja shihet me qese.
Dita Botërore e Mjedisit festohet në 5 Qershor, çdo vit për të inkurajuar ndërgjegjësimin për mbrojtjen e mjedisit.