Koordinatori Komisionit për Ekonomi, Industri, Ndërmarrësi dhe Tregti, Armend Ademaj, u tregua i revoltuar me gazetarët në mbledhjen e së martës ku në rend dite ishte Raporti vjetor i Autoritetit Rregullativ të Komunikimeve Elektronike dhe Postare (ARKEP), raporton Ekonomia Online.

Ndonëse nuk kishte kuorum, Ademaj me tone të larta kërkoi nga mediat që të mos incizojnë për shkak të “disa çështjeve të brendshme të Komisionit”, teksa detyroi gazetarët të largohen nga mbledhja.

Ai tha se gazetarët mund të rikthehen pasi t’i kenë përfunduar “çështjet e brendshme”.