Koreja e Veriut ka goditur administratën e presidentit amerikan Joe Biden ndërsa po përgatitet të zbulojë strategjinë e saj për t’u marrë me Pyongyang dhe programin e saj bërthamor.

Ministria e Jashtme ka thënë se komentet e fundit nga Uashingtoni treguan se Bideni ishte i vendosur të mbante një “politikë armiqësore”.

Më parë këtë javë, Biden e quajti programin bërthamor të Koresë së Veriut një “kërcënim serioz” për sigurinë globale.

Shtëpia e Bardhë ka thënë se ai planifikon të ketë një qasje të “kalibruar” ndaj Koresë së Veriut.

Zëdhënësi Jen Psaki ka thënë se një rishikim i politikës amerikane ishte përfunduar dhe sugjeroi që Biden kishte mësuar nga përvoja e katër administratave të mëparshme të cilët kanë provuar dhe dështuan, për ta detyruar Korenë e Veriut të braktiste programin e saj të armëve bërthamore.

SHBA-ja pritet të presë këshilltarët e sigurimit kombëtar të Japonisë dhe Koresë së Jugut për një diskutim në lidhje me rishikimin së shpejti.