Presidenti serb Aleksandar Vuçiq ka bërë të ditur se një zyrtar i lartë i Departamentit të Shtetit të SHBA-së do të vizitojë Beogradin javën e ardhshme mes tensioneve të vazhdueshme mbi Kosovën dhe presionit ndaj Serbisë për të vendosur sanksione ndaj Rusisë.

Vuçiq tha dje se Derek Chollet, këshilltar special i Departamentit të Shtetit, do të vizitojë Beogradin më 11 ose 12 janar.

Chollet muajin e kaluar iu desh të anulonte një vizitë në Ballkanin Perëndimor dhe Bruksel pasi rezultoi pozitiv me COVID-19.

Pas Chollet në Beograd do të jenë edhe ndërmjetësit e BE-së.

Zyrtarët amerikanë dhe evropianë janë përpjekur të përshpejtojnë dialogun për normalizimin e marrëdhënieve ndërmjet Beogradit dhe Prishtinës. Palëve u është ofruar një propozim franko-gjerman në emër të BE-së.

Në ditët e fundit të vitit 2022 është paralajmëruar një valë e re e dialogut në javët e para të janarit 203.

Kryeministri Albin Kurti, ka thënë se Serbia nuk është e interesuar për arritjen e marrëveshjes finale, megjithëse konfirmoi se në muajin janar të vitit 2023 do të ketë nisma të reja për të përgatitur takimin e radhës në Bruksel

Kurti, thekson se Serbia më shumë është e interesuar për shkaktimin e krizave në të cilat mandej shfaqet vet si faktor për t’i zgjidhur ato.