Peja do të jetë vendi i takimit, të hënën, i dy qeverive Kosovë – Shqipëri. Pas zotimit për unifikimin e doganave, Kosova dhe Shqipëria pritet të aprovojnë edhe kërkesën e kahershme të Bashkimit Evropian për heqjen e tarifës së shërbimit të romingut.

Ministri i Arsimit, Shkencës dhe Teknologjisë Shyqiri Bytyqi, ka paralamëruar se Kosova dhe Shqipëria “së shpejti” nuk do të kenë taksa mes tyre.

“Pas shumë diskutimeve, shumë shpejt mes Kosovës e Shqipërisë nuk do të ketë asnjë taksë! Urime!”, ka shkruar Bytyqi në faqen e tij në “Facebook”.