Të ashtuquajturit “ekspertë” vendor të politikës amerikane dhe ‘analistët’ e zhvillimeve politike, mos të harrojnë që PO SOT, Zëvendës Ndihmës Sekretari Amerikan i Shtetit, Jorgan K. Andrews vizitoi Kosovën dhe thelloi bashkëpunimin me institucionet tona në fushën e rendit e ligjit, duke dhuruar pajisje në vlerë prej 100 mijë dollarësh për institucionet e Kosovës.

Vullneti politik amerikan për thellimin e partneritetit me Kosovën në fushën e sigurisë, tejkalon secilën vlerë monetare të ndihmës amerikane, përderisa taksa 100% mbetet fuqiplotë! Dhe këtu qëndron vetë rëndësia.

Kosova vazhdon të jetë sferë e interesit amerikan, duke luftuar me influencën ruse me rreth vetëm 70km distancë në vijë ajrore me Qendrën ‘Humanitare’ ruse në Nish të Serbisë.

Një Kosovë e pavarur në kufijtë e saj aktual, e sigurtë dhe paqësore, është interes strategjik i SHBA-ve. Taksa 100% ka ruajtur këtë interes, dhe qëndrueshmëria e saj do të ndryshojë vetëm dhe vetëm atëherë kur edhe Serbia e përvetëson dhe pranon interesin strategjik amerikan.