Ekzekutivi ka miratuar nismën për lidhjen e marrëveshjes ndërmjet Qeverisë së Portugalisë dhe Qeverisë së Republikës së Kosovës për promovimin dhe mbrojtjen e ndërsjellë të investimeve, raporton Ekonomia Online.

Ministri i Tregtisë dhe Industrisë (MTI), Endrit Shala, tha se qëllimi i marrëveshjes është t’i jepet siguri të dyja palëve.

“Ne kemi numër të madh të investimeve të Portugalisë në Kosovë dhe atyre që janë të interesuar të investojnë në Kosovë qëllimi i marrëveshjes është me i dhënë siguri veprimi dy palëve”.

“Në këtë marrëveshje promovojmë dhe inkurajojmë investimet nga pala tjetër kontraktuese dhe të pranohen investimet në vendin e tyre sipas kontraktonit do të gëzojnë mbrojtje dhe liri të plotë nga pala kontraktuese”.