Konferenca e Kryetarëve ka vendosur që interpelancat e kërkuara dhe rezolutat e propozuara për sulmin e 24 shtatorit në veri të Kosovës do të trajtohen në një seancë të dedikuar në 12 tetor, ka thënë kryetarja e Kuvendit të Shqipërisë, Lindita Nikolla.

Por, opozita kundërshtoi këtë vendim dhe kërkon që çështja e Kosovës të futet në Kuvend.

Deputetët demokratë i kanë përqendruar kritikat e tyre te një intervistë e kryeministrit Edi Rama për “The Financial Times”, që sipas tyre, kreu i qeverisë “e cilësoi veriun e Kosovës, tokë të askujt”.