Kombëtarja U19 në konkurrencën e femrave e ka zhvilluar stërvitjen e parë në Antalya, ku është akomoduar për ndeshjet kualifikuese për Kampionatin Evropian, që në verën e vitit 2020 do të mbahet në Gjeorgji.

Kosova bën pjesë në Grupin 12 të këtyre kualifikimeve së bashku me Turqinë nikoqire, Hungarinë dhe Danimarkën, njofton FFK.

Të përzgjedhurat e Kushtrim Munishit ndeshjen e parë do ta zhvillojnë, të mërkurën, më 2 tetor kundër Danimarkës , në orën 13:30.

Ndërkohë, ndeshjen e dytë Dardanet do ta luajnë më 5 tetor, në orën 13:30 kundër Hungarisë, derisa më 8 tetor e luajnë ndeshjen e fundit kundër Turqisë, në orën 16:00.

Kualifikimin tutje në rrethin elitë e sigurojnë dy skuadrat e para në renditjen e secilit grup, si dhe katër skuadrat e vendeve të treta në grupe më bilancin më të mirë.

Lista e futbollisteve

Elmedina Avdili

Fortesa Berisha

Erjona Emërllahu

Albulena Fejza

Donika Grajqevci

Elsona Krasniqi

Jessica Lazri

Bleona Mehmeti

Lumbardha Misini

Adea Nagavci

Rita Olluri

Gjenifer Pjetri

Anita Racaj

Rrezona Ramadani

Anjeza Rexhepi

Fjona Shabani

Jehona Shala

Leonita Shumolli

Valentina Tërnava

Shkurte Zeqiri.