Përfaqësuesja U21 e Kosovës ka pësuar humbje të ngushtë nga Gjermania në kuadër të Grupit 5 kualifikues për Evropian.

Kosova u mposht 1 me 0 në kuadër të ndeshjes së katërt në kualifikime.

Të vetmin gol për superfuqinë e të rinjve e shënoi Maximilian Eggestein. Ai shënoi një gol të bukur nga distanca në minutën e fundit të pjesës së parë.

Deri në fund, Gjermania vazhdoi dominimin, ndërsa Kosova pati pak raste për gol.

Kosova mbetet në kuotën e gjashtë pikëve nga katër ndeshje në këtë grup. Para saj në tabelë mbetet vetën Irlanda, por ajo ka dy ndeshje më pak të zhvilluara. I treti në grup është Izraeli, me vetëm dy ndeshje por me katër pikë të tubuara. Gjermania është e katërt me vetëm një ndeshje e tri pikë të grumbulluara, ndërsa Norvegjia dhe Azerbajxhani janë në dy pozitat e fundit.