Artisti Kosovar i cili jeton ne Islandë, The Great Jazzby, ka lansuar këngën e tij të dytë e cila quhet Murr Murr.

Ai në bashkëpunim me yllin Islandez, Mugison, kanë rilansuar këtë projekt në tregun ndërkombëtar.

Versioni origjinal i këngës Murr Murr, ishte bërë nga artisti Mugison për filmin Hollywoodian/Islande, A Little Trip to Heaven, ku në rolet kryesore luajnë fituesi i Oskarit, Forest Whitaker dhe Jeremy Renner.

Ndërsa versioni i ri është bërë nga The Great Jazzby, një remix të cilin Mugison e ka mbështetur dhe ia ka autorizuar të drejtat autoriale artistit kosovar.

Kjo është kënga e dytë e The Great Jazzby, ku muaj më parë ai kishte lansuar këngën The Aëakening Hymn, në bashkëpunim me ish-anëtarin e bandit legjendar The Foghat, Nick Jameson.

Kujtojmë se regjisori dhe gazetari Jasmin Rexhepi është themelues i The Great Jazzby, projekt muzikor ky, në të cilin ai besohet se ka bashkëpunuar me shumë artistë ndërkombëtarë dhe këtë vit ai pret që të lansojë disa këngë tjera.