Kryetari i Partisë Demokratike të Kosovës, Memli Krasniqi, ka uruar besimtarët musliman me rastin e festës së Kurban Bajramit, raporton Ekonomia Online.
Përmes një postimi në Facebook, i pari i PDK-së, ka thënë se kjo festë na kujton për solidaritet dhe kujdes ndaj njëri-tjetrit.
“Kurban Bajrami, si një festë e paqes, na e rikujton gjithmonë rëndësinë e faljes, solidaritetit e kujdesit për njëri-tjetrin, posaçërisht për ata më në nevojë”, shkruan ndër tjera Krasniqi.
Postimi i plotë:
Kurban Bajrami, si një festë e paqes, na e rikujton gjithmonë rëndësinë e faljes, solidaritetit e kujdesit për njëri-tjetrin, posaçërisht për ata më në nevojë.
Gjithmonë kanë qenë këto vlera që i kanë begatuar jetërat tona, por edhe kanë ndihmuar përparimin e popujve dhe mbarë njerëzimit.
Prandaj, edhe sot e tutje, le të jenë këto atribute që na prijnë në rrugën drejt realizimit të aspiratave dhe ëndrrave tona të reja si individë, si shoqëri dhe si shtet.
Uroj që kjo ditë e veçantë të ju sjellë rehati, begati dhe lumturi në jetën tuaj dhe të familjeve tuaja.
Gëzuar Kurban Bajramin!