Kreu i Partisë Demokratike të Kosovës, Memli Krasniqi ka pritur sot ambasadorin e ri të Gjermanisë në Kosovë, Rainer Rudolph.

Përmes një njoftimi, Krasniqi njoftoi se takimi ishte i hapur dhe miqësor, me diskutime për zhvillimet politike në vend, bashkëpunimin ndërmjet Kosovës dhe Gjermanisë.

Tutje, ai i uroi suksese Rudolph në misionin e ri.

“Kënaqësi të pres sot në selinë e Partisë Demokratike të Kosovës, Ambasadorin e ri të Gjermanisë në Kosovë, Rainer Rudolph. Një takim i hapur dhe miqësor, me diskutime për zhvillimet politike në vend, bashkëpunimin ndërmjet Kosovës dhe Gjermanisë, si dhe rolin e rëndësishëm që Berlini ka luajtur gjithmonë në mbështetje të shtetit tonë. Mirë se erdhët në Kosovë, z. Ambasador dhe suksese në misionin tuaj të ri!”, ka shkruar ai.