Deputetja e Lidhjes Demokratike të Kosovës, Rrezarta Krasniqi, Raporti i Freedom House për Kosovën e dëshmon zërin opozitarë se kjo Qeveria Kurti është “e dobët dhe me afera korruptive”.

Në seancën e Kuvendit, Krasniqi ka folur edhe për Raportin e DASh-it, duke thënë se raporti dëshmon se kjo qeveri nuk ka punuar në luftën kundër korrupsionit.

“Brenda dy ditëve pranuam dy raporte që tregojnë se kjo qeveri nuk ka punuar në luftim të korrupsionit madje theksohet se, ka prezencë të korrupsionit serioz qeveritar, probleme me pavarësinë gjyqësorit dhe me kufizime serioze për lirinë e shprehjes dhe lirinë e medias, duke përfshirë dhunën ose kërcënimet me dhunë ndaj gazetarëve”, ka deklaruar Krasniqi.

“Ky raport është një goditje e rëndë për institucionet e Republikës së Kosovës sepse ka edhe te gjetura të tjera që përmenden sikur janë grevat dhe mungesa e komunikimit të qeverisë me sindikatat dhe hartimi i disa ligjeve pa ndjekur procedurat e duhura dhe pa konsultime paraprake, siç është  Ligji për Tatimin në Pronë. Para këtyre raporteve qeveria është dorëzuar nuk është bërë asnjë reagim sepse janë pajtuar që kanë dështuar. Kjo qeveri është e korruptuar, është qeveri që ka dështuar në çdo sferë dhe tani po fshehën nuk po flasin sepse qytetarët e kanë parë të vërtetën e paaftësisë të Kurtit dhe ministrave të tij”, u shpreh Krasniqi.