Të premten e 5 korrikut, do të përballen Gjermania dhe Spanja.

Derbi i “EURO 2024”, që do të jetë i vlefshëm për fazën çerekfinale do të luhet në Stuttgard në “MHPArena”, me fillim nga ora 18:00.

Kombëtarja gjermane, do të luajë ndaj një skuadre që nuk ka bërë asnjë gabim deri më tani.

Dhe për fuqinë e spanjollëve është i njoftuar edhe Toni Kroos.

Por, gjeniu i mesfushës shprehet i bindur se të premten nuk do ta zhvillojë ndeshjen e fundit të tij në karrierë për kombëtaren.

“Do ta përsëris edhe një herë, këtë verë i luaj ndeshjet e fundit në fushën e futbollit. Por besoj se fundi nuk do të ndodhë këtë të premte”, tha Kroos.

“Si të gjithë në kombëtare, besoj në fitoren ndaj Spanjës, që është e fortë. Kemi një dëshirë të madhe deri në fund, drejt triumfit përfundimtar, pavarësisht se kush do të jetë në rrugën tonë”, deklaroi ai.

“Pancerët”, në 1/16-tën e mposhtën Danimarkën me rezultat 2:0.

Derisa në fazën grupore, skuadra e drejtuar nga Julian Nagelsmman, në grupin A, ishin bashkë me Skocinë, Hungarinë dhe Zvicrën.

Gjermania i mposhti 5:1 skocezët, derisa triumfoi 2:0 edhe ndaj hungarezëve kurse me zviceranët barazuan 1:1.

34-vjeçari ka luajtur 113 ndeshje për kombëtaren gjermane në karrierën e tij dhe ka shënuar 17 gola.