Kryeprokurori bullgar Ivan Geshev i shoqëruar nga hetues sot do të shkojë në Shkup për të dorëzuar personalisht kërkesë për ndihmë juridike në Prokurorinë e Maqedonisë së Veriut.

Prokurorët bullgarë duhet të marrin profile të ADN-së nga të afërmit e të vdekurve në aksidentin e autobusit për t’i identifikuar viktimat e tragjedisë së 23 nëntorit që ndodhi në Bullgari.

Ndërkohë vazhdojnë hetimet për aksidentin e rëndë të autobusit ku humbën jetën 45 persona në autostradën Struma në Bullgari. Mediat bullgare raportojnë se gjashtë hetues nga Shërbimi Hetimor Kombëtar dhe tre prokurorë nga Prokuroria Rajonale e Pernikut po punojnë në procedurën para-hetimore, shkruan Alsat-mk.