Kryeprokurori i Prokurorisë Themelore të Pejës, Agim Kurmehaj, ka mbajtur takim me përfaqësues të organizatave joqeveritare dhe mediave.

Gjatë takimit të sotëm është diskutuar për objektivat e planit të punës se kësaj prokurorie për vitin 2020, ku përfaqësuesit e shoqërisë civile dhe mediave kanë pasur mundësi të rekomandojnë propozime të ndryshme para hartimit të planit të punës për vitin e ardhshëm nga Prokuroria Themelore e Pejës.

Të pranishmit e vlerësuan se diskutimet e tilla janë të mirëseardhura dhe janë në interes të përgjithshëm për luftimin e dukurive negative që janë nën kompetencën ligjore dhe territoriale të Prokurorisë Themelore të Pejës.

Kryeprokurori Kurmehaj falënderoi të pranishmit për kontributin e tyre, ku njëkohësisht u zotua se rekomandimet e marra gjatë këtij takimi do të shqyrtohen për përfshirjen e tyre si pjesë e planit të punës, i cili do hartohet nga kjo prokurori.