Kryeministri i Kosovës, Albin Kurti, kërkoi mbështetje Policinë e Kosovë, pas tha se është në vijë fronti me milicinë fashiste, raporton Ekonomia Online.

Sipas tij, për gjendjen në terren deklaratat që lëshohen nga organet tona të sigurisë janë të sakta edhe të vërteta.

Kurti para deputetëve kërkojë mbështetje për Policinë, duke thënë se kjo iu duhet atyre.

“Për gjendjen ne terren, deklaratat që lëshohen nga organet tona të sigurisë, janë ato që janë edhe të sakta edhe të vërteta. Rolin kryesor në organizimin e protestuesve në terren janë duke e kryer anëtarët e formacionit ilegal të së ashtuquajturës mbrojtje civile dhe ish-pjesëtar të Policisë së Kosovës, ku është parë prezencë e madhe e tyre në terren. Këto protesta me gjithë dashakeqësinë e tyre neve na kanë shërbyer që të bëjmë identifikime të vlefshme”.

“Për këtë përballje, Policisë së Kosovës i duhet Qeveria e Republikës së Kosovës, e ka, Policisë së Kosovës i duhet Kuvendi i Republikës, ju tregoni a e ka, Policisë së Kosovës, i nevojitet populli i Kosovës, e ka, pra është në dorën tonë kjo fitore e radhës për sundim të ligjit dhe kushtetueshmëri, Policia jonë ka nevojë për mbështetje, jepjani këtë mbështetje”.

“Jepjani këtë mbështetje Policisë së Republikës e cila është në vijë fronti me milicinë fashiste, nuk jemi kundër serbëve, i kemi ftuar që të kthene në institucione, iu kemi thënë merrni pjesë në proces demokratik, mirëpo gabimin e Listës Serbe që i bojkotoi zgjedhjet, që i braktisi institucionet, nuk duhet ta paguajë Republika jonë, por Lista Serbe, ai është vendim politik i tyre, pasojat e të cilit duhet t’i marrin ata vet”.

LEXONI EDHE:

Kurti: Me ShBA-në jemi partner të denjë, s’i mbyllim sytë para kriminelëve në veri