Saktësisht dy vjet më parë, në shtatorin e vitit 2017, Matthew Whitaker – një jurist nga shteti i Ajovës në ShBA – përflitej në mediet amerikane se do të emërohej shef i Stafit të asokohe Prokurorit të Përgjithshëm të ShBA-ve, Jeff Sessions.

Rreth dy javë më vonë, më 22 shtator të vitit 2017, Matthew Whitaker nisi ngjitjen në institucionin kryesor të drejtësisë në Shtetet e Bashkuara të Amerikës – Departamentin e Drejtësisë në kuadër të Departamentit të Shtetit. U emërua shef i Stafit të Sessions.

E në të njëjtën kohë të vitit, por dy vite më vonë, emri i Matthew Whitaker është kryelajm i mediave. Jo më në ShBA, por në Kosovë. Një vizitë e tij të martën në Prishtinë disa ditë para zgjedhjeve parlamentare dhe dreka me Kadri Veselin, pretendentin për kryeministër nga radhët e Partisë Demokratike të Kosovës, kanë ngjallur reagime jo vetëm në media, shkruan Insajderi.

Për vizitën e ish-Prokurorit të Përgjithshëm në detyrë të ShBA-ve, të cilësuar nga disa media në vend si “njeriu i presidentit amerikan Donald Trump”, ka reaguar edhe Ambasada e Shteteve të Bashkuara të Amerikës në Prishtinë.Lexo po ashtu:Ish-ministri i Drejtësisë i Donald Trumpit erdhi për ta mbështetur Kadri Veselin

“Qeveria e SHBA-ve nuk parapëlqen dhe nuk mbështet ndonjë parti politike apo kandidatë në zgjedhjet e kësaj jave. Ne respektojmë të drejtën dhe përgjegjësinë e votuesve të Kosovës që të zgjedhin të ardhmen e tyre”, thuhet në këtë reagim të Ambasadës së Shteteve të Bashkuara të Amerikës në Prishtinë.

Qëndrimi i Ambasadës së ShBA-ve përkon edhe me faktin që Matthew Whitaker nuk ka më asnjë pozitë brenda Departamentit të Drejtësisë, në të cilën kishte shrbyer në disa pozicione para se të bëhej Prokuror i Përgjithshëm në Detyrë.

Por, karriera e Matthew Whitaker si prokuror në ShBA është e gjatë. Kishte nisur në shtetin e tij të lindjes, Ijova, në vitin 2004.

Nga vitit 2004 deri më 2009, Whitaker shërbeu si Prokuror i Përgjithshëm i Ajovas. Më 2014 garoi për Senatin amerikan nga radhët e Partisë Republikane, por nuk mori votat e mjaftueshme përball kandidatit demokrat, Michael Fitzgerald.

E në nëntorin e vitit 2018, Matthew Whitaker u emërua Prokuror i Përgjithshëm në detyrë i Shteteve të Bashkuara të Amerikës.

I caktuar nga presidenti amerikan Donald Trump si Prokuror i Përgjithshëm në detyrë, Whitaker shpesh u kishte bërë jehonë sulmeve të presidentit ndaj hetimit për dyshimet mbi lidhjen e fushatës së Trump me Rusinë.

Ai ishte emëruar në detyrë, siç raportonte New York Times më 2017, për të mbikëqyrur hetimin e lidhjeve të zyrtarëve të fushatës presidenciale të zotit Trump me Rusinë në vitin 2016.

Presidenti i ShBA-ve, Donald Trump, kishte thënë se e njeh Matthew Whitaker dhe e kishte lavdëruar atë.

“Ai është një burrë i mirë, e njoh atë”

49 vjeçari Whitaker punën në Departamentin e Drejtësisë vitin e kishte nisur në shtatorin e 2017-s si shef i personelit të ish-Prokurorit të Përgjithshëm, Jeff Sessions, pasi kishte shprehur kundërshtimin e tij për hetimin e Prokurorit të Posaçëm, Robert Mueller, ndaj ndërhyrjes së Rusisë.

Pas zgjedhjes së William Carr si Prokuror i Përgjithshëm të ShBA-ve në shkurt të vitit 2018, Whitaker i liroi detyrën atij. Ai jeton ende në Uashington dhe merr shpeshherë është pjesë e paneleve debatuese në studio televizive.