Një transformator i Tensionit të Lartë ka shpërthyer në autostradën Tiranë-Durrës, ku si pasojë mbetën të plagosur tre persona të cilët janë transportuar në Spitalin e Traumës.

Të plagosur janë  Gjergji Sula, Sari Çollaku dhe Fari Çollaku.

Ndërsa pasi mori ndihmën e parë në spital Gjergji Sula nuk arriti t’i mbijetojë dot plagëve duke humbur jetën.

“Rreth orës 12.00,  në autostradën Tiranë – Durrës në afërsi të një objekti në rekonstruksion si pasojë e një shkëndije elektrike ka shpërthyer një transformator elektrik.

Si pasojë e shpërthimit kanë mbetur të dëmtuar 3 punonjës e këtij objekti  shtetasit GJ. S, S. Ç dhe F. Ç të cilët u dërguan në spital për ndihmë mjekësore.

Grupi hetimor ndodhet në vendngjarje dhe po vijon punën për sqarimin e mëtejshëm të rrethanave të ngjarjes”, njoftoi policia.