Në fundjavë vranësira dhe kthjellime. Të shtunën në mbrëmje mundësi për riga lokale. Ditët e para të nëntorit kryesisht me vranësira, mot më të butë, mundësi për reshje të dobëta shiu.

Sipas Prishtina Weather vendi ynë ditëve të ardhshme do të jetë nën ndikimin e fushave të presionit më të rritur që shtrihen mbi pjesën më të madhe Mesdheut. Mirëpo ditën e shtunë, një turbullirë nga Europa veriore do të depërtojë në lindje të rajonit, që si rrjedhojë do të ketë shtim të vranësirave, e gjatë ditës dhe në mbrëmje nuk përjashtohen mundësi për reshje të dobëta lokale shiu.

Pasditen e së dielës do të ketë kthjellime. Në fillim të javës, megjithëse mbetemi nën ndikimin e fushave anticiklonike, nga lindja e rajonit mund të kalojnë sisteme frontale, që sjellin vranësira, e ditën e martë mundësi edhe për të reshura. Ditëve të para të nëntorit temperaturat gradualisht në rritje.

Indeksi i cilësisë së ajrit ditën e shtunë do të luhatet përreth vlerave të mira dhe mesatare, e nga dita e diel herë-herë pritet të kaloj edhe në vlera të pashëndetshme.

31.10 – Nga orët e paradites vranësirat do të shtohen. Më vonë pasdite dhe në mbrëmje me mundësi për reshje të pakta lokale shiu.

1.11 – Paradite me vranësira, ditën me kthjellime dhe intervale me diell.

2.11 – Kryesisht me vranësira, ditën edhe me intervale me diell.

Temperaturat mbeten të larta për këtë periudhë kohore, me minimale që do të lëvizin nga 4C deri 9C, e maksimalet nga 16C deri 19C.

Do të fryj erë e lehtë dhe mesatare nga krahu verior 2-7m/s.

Shtypja atmosferike do të luhatet sipër vlerave normale.