Ish numri 10-të i Kosovës, Arbër Zeneli, përmes instagramit ka reaguar lidhur me raportet e tij me kombëtaren.

Futbollisti ka “sqaruar” situatën mes tij dhe reprezentacionit, rreth fanellës.

Pavarësisht se nuk e shpjegon atë që ndodhi në ndeshjen me Rumaninë, megjithatë thotë se numri 10 nuk ka të bëj asgjë me rrethanat, andaj sipas tij është ekzagjeru.

“Unë jam shumë i lumtur që kam luajtur për Kosovën dhe i kam ca kujtime që nuk do t’i harroj kurrë. Faleminderit gjithmonë për mbështetjen”, shkruan ndër të tjera Zeneli, transmeton Klankosova.tv.

Në fund i dërgon selam edhe atyre që ai i quan “eksperta” për të cilët thotë se po shtyhen se kush e ka zërin më të lartë.

Ky reagim i futbollistit vjen pasi të dielën në emisionin “Sports Show” u publikua një bisedë me babain e Arbër dhe Besfort Zenelit, Avniun, i cili akuzonte Federatën për sjellje jo korrekte ndaj birit të tij, kurse për djalin tjetër tha se “Kurrë nuk do të luaj për Kosovën”.