Lejet e vozitjes nga Maqedonia, shumë shpejt do të pranohen edhe në Gjermani, mëson Deutsche Welle, pasi Qeveria e Maqedonisë po përfundon obligimet e saj për nënshkrimin e marrëveshjes.

Ditëve të fundit të shpërngulurit nga Maqedonia në Gjermani, përmes një peticioni online kërkuan nga Ministria e Komunikacionit në Gjermani pranimin e lejeve për vozitje. Pas gjurmëve të këtyre kërkesave, Detusche Welle ka hetuar rastin dhe ka zbuluar se problemi nuk është aspak tek Gjermania, por tek Maqedonia.

Shqiptarët e Maqedonisë në Gjermani me peticion kërkojnë që të ju njihen lejet e vozitjes
Nga MPJ e Maqedonisë jozyrtarisht për Faktor thonë se, e gjithë procedura me vite ka qenë e bllokuar tek ata. Por, lajmi i mirë është se procesi është zhbllokuar dhe shumë shpejt lejet për vozitje të makinave të Maqedonisë do të njihen edhe në Gjermani.