Në kuadër të “Ditës së Tokës”, organizata “Let’s Do It Kosova” në bashkëpunim me ambasadën suedeze kanë organizuar aksioni pastrimi në lagjen “Pejton”, raporton Ekonomia Online.

Drejtori ekzekutiv i kësaj organizate, Luan Hasanaj, është shprehur mirënjohës ndaj ambasadorëve dhe ambasadave qe janë ne krahë të detyrë iniciativave.

Ai ka kërkuar që vitin e ardhshëm bashkë me partnerët e “Let’s Do It Kosova”, jo vetëm të pastrojnë por edhe të promovojnë për ambient të pastërt.

“ Jemi shumë mirënjohës ambasadave dhe ambasadorëve, të cilët gjithmonë në krah të iniciativave tona. Janë krahë te punëve të mira në Kosovë, japin ndihmën e tyre në shumë ë shumë projekte dhe ky gjest i sodit shkon në funksion të asaj dhe do të donim që vitin tjetër në “Ditën e Tokës” së bashku me ambasadoret dhe me miqtë tanë, jo ta pastrojmë por të dalin dhe të promovojmë projekte të mira, shembuj të mirë të vendit tonë”, u shpreh Hasanaj.

Hasanaj tha se do t’i ftojnë të gjitha komunitetet që të vetëdijësohen dhe të kërkohet përgjegjësi ngaj institucioneve.

 “Ne do të kujdesemi si “Let’s Do It” që sa më shumë ta ngrisim zërin që këto të ndodhin. Sa më shumë ti ftojmë komunitetet që t’i bashkohen këtyre fushatave dhe në anën tjetër të kërkojmë shumë përgjegjësi prej institucioneve, të cilat janë përgjegjëse për të bërë punë më të mira”, shtoi Hasanaj.