Robert Lewandowski thotë që Erling Haaland duhet të mbetet te Borussia Dortmund pavarësisht interesimit nga jashtë.

Sulmuesi norvegjez ka ngjallur interesim anembanë Evropës, dhe shumë besojnë se koha e tij te Dortmundi mund të jetë e shkurtër.

“Ai ka një potencial të madh, por ka ende kohë. Nuk dua që t’i bëj presion me deklaratat e mia”, ka thënë Lewandowski për Goal.

“Nëse ai punon shumë, mund të bëhet lojtar më i mirë dhe të arrijë eventualisht në maje. Prandaj, do të jetë e mirë për të nëse do të rrijë në Bundesligë më gjatë para se ta marrë hapin e ardhshëm”, ka përfunduar ai.