Kryetari i NISMA, Fatmir Limaj, ka publikuar listën e kandidatëve për deputetë për zgjedhjet e parakohshme të 28 dhjetorit.

Limaj në konferencë për media të thirrur në ora 21:30 të së dielës ka thënë se nëse partia e tij e kalon pragun, e për të cilin është i bindur se do të ndodhë në zgjedhjet e parakohshme më 28 dhjetor, atëherë në Parlamentin e Kosovës do të arrijë bashkimin me grupin parlamentar të Partisë Demokratike të Kosovës (PDK).

Ai ka thënë se këtë bashkim ia kanë kërkuar shumë.